Tramp Putinlə görüş üçün şərtini açıqladı
ABŞ Prezidenti Donald Tramp Rusiya Prezidenti Vladimir Putinlə görüşün Ukraynada sülh razılaşmasının əldə olunmasına real zəmin yarandığı mərhələdə keçirilməsini istəyir.
Sitat.info xəbər verir ki, Tramp Ağ Evdə jurnalistlərlə söhbəti zamanı bildirib ki, Moskva ilə münasibətlərin yaxşılaşdırılması ABŞ üçün həm siyasi, həm də iqtisadi baxımdan əhəmiyyət daşıya bilər.
ABŞ lideri Rusiya ilə Ukrayna arasında müharibənin başa çatmasına yaxın bir vaxtda Putinlə görüşməyə üstünlük verdiyini deyib. Onun sözlərinə görə, belə bir görüşün daha erkən keçirilməsi də mümkündür, lakin hazırkı mərhələdə bunun doğru zaman olmadığını düşünür.
