Sərnişin gəmisində yanğın: 5 nəfər ölüb, 87 nəfər itkin düşüb  

Filippin sahillərində sərnişin gəmisində baş verən yanğın nəticəsində ilkin məlumata görə, 5 nəfər ölüb, 87 nəfər itkin düşüb.

Sitat.info xəbər verir ki, GMA Network-un məlumatına görə, paytaxt Maniladan Palavan əyalətinin Koron bölgəsinə gedən sərnişin gəmisində naməlum səbəbdən yanğın baş verib.

Gəmidə 117 sərnişin və 17 ekipaj üzvü olmaqla ümumilikdə 134 nəfər olub. Yanğın nəticəsində 5 nəfərin öldüyü bildirilir.

İndiyədək 42 nəfərin xilas edildiyi, 87 nəfərin isə itkin olduğu açıqlanıb. Hazırda itkin düşənlərin axtarışı və xilasetmə işləri davam etdirilir.

Aytac,

Sitat.info