Qadın işlədiyi salonda qəfil öldü

Biləsuvar rayonunda 51 yaşlı qadın iş yerində ölüb.

 

Sitat.info xəbər verir ki, hadisə rayon mərkəzində, M. İbrahimov küçəsində yerləşən gözəllik salonunda qeydə alınıb.

 

Belə ki, rayon sakini, 1974-cü il təvəllüdlü İlhamə Ümüdvar qızı Məmmədova çalışdığı gözəllik salonunda qəfil dünyasını dəyişib.

 

İlkin ehtimala görə, qadının ölümünə ürəktutma səbəb olub.

 

Faktla bağlı araşdırma aparılır.