Ermənistan XİN-in saytındakı “Dağlıq Qarabağ” bölməsi ləğv edildi

Ermənistan Xarici İşlər Nazirliyinin saytında həmişə “Dağlıq Qarabağ problemi” bölməsi olub. Bölmə erməni, rus, ingilis və fransız dillərində fəaliyyət göstərib.

Sitat.info xəbər verir ki, Ermənistan KİV-i həmin səhifənin bütün dil versiyalarından artıq silindiyini bildirib.

Bu barədə erməni politoloq Sergey Melkonyan da sosial şəbəkələrdə yazıb.

“Əgər bu texniki səhv deyilsə, o zaman Ermənistan artıq texniki və rəsmi olaraq Azərbaycanla həmrəydir: “Dağlıq Qarabağ problemi artıq mövcud deyil”, - o yazıb.

Qeyd edək ki, bir neçə gün əvvəl Azərbaycan Prezidentinin nköməkçisi Elçin Əmirbəyov Ermənistanın Müstəqillik Bəyannaməsi ilə yanaşı, Xarici İşlər Nazirliyinin rəsmi saytının da Bakı üçün mübahisəli olduğunu bildirmişdi: ona görə ki, bölmə Qarabağın Ermənistanın tərkib hissəsi olduğunu bildirirdi.