Çində prezident seçkilərinin qalibi bəlli oldu - FOTO
Çin lideri Si Cinpin Ümumçin Xalq Nümayəndələri Konqresində yenidən prezident seçilib.
Sitat.info-nun məlumatına görə, Pekində keçirilən Çin Ümumçin Xalq Nümayəndələri Konqresinin (UXK) 14-cü dövrünün 1-ci Baş Assambleyasında yeganə namizəd olan Si, nümayəndələrin yekdil səsi ilə üçüncü dəfə prezident seçilib.
Qurultayda Han Cing vitse-prezident, Cao Lici isə parlamentin spikeri seçilib.
Xi, Cao və Han and içərək vəzifələrinə başlayıblar.
2013 və 2018-ci illərdə iki dəfə prezident seçilən və 10 il bu vəzifədə olan Si 5 illik müddətə yenidən seçilərək Çin Xalq Respublikasının tarixində üçüncü dəfə prezident postunu tutan ilk şəxs olub.
O, həmçinin ordunun başında baş komandan vəzifəsini qoruyaraq yenidən Mərkəzi Hərbi Komissiyanın sədri seçilib.
