Qanunsuz ov edən 4 nəfər cəzalandırıldı
Qanunsuz ov edən şəxslər cəzalandırılıb
Ekologiya və Təbii Sərvətlər Nazirliyindən Sitat.info-ya verilən məlumata görə, Bioloji Müxtəlifliyin Qorunması Xidmətinin əməkdaşları tərəfindən keçirilən nəzarət tədbirləri zamanı Varvara Ovçuluq Təsərrüfatının ərazisində qanunsuz balıq ovu edən şəxslər saxlanılıb.
Bioloji Müxtəlifliyin Qorunması Xidmətinin rəsmisi Arzu Babayeva bildirib ki, araşdırma zamanı brakonyerlərin Mingəçevir şəhər sakini Kənan Salamov, Yevlax rayon sakinləri Elyar Musayev, Nəriman Ələkbərov və Arzu Aslanov olduğu müəyyən edilib.
“Təqsirkar şəxslər barəsində qanunamüvafiq tədbirlər görülüb”.
