Zelenski mənə dedi ki, bu, əla xəbər olacaq - Makron
Paris Ukraynada nizamlanma üzrə danışıqların aparılmasında Kiyevə yardım edəcək.
Sitat.info xəbər verir ki, bu sözləri Fransa Prezidenti Emmanuel Makron Vladimir Zelenski ilə telefon danışığından sonra deyib.
Makronun sözlərinə görə, Zelenski söhbət zamanı onu əmin edib ki, Rusiya və ABŞ prezidentləri Vladimir Putin və Donald Tramp atəşkəslə bağlı razılığa gəlsələr, bu, “əla xəbər” olacaq.
"Amma yalnız ukraynalılar davamlı və uzunmüddətli sülh danışıqları apara bilər. Biz onlara kömək edəcəyik... Fransa bu prosesin sürətləndirilməsində öz rolunu oynayacaq", - Makron X sosial şəbəkəsindəki səhifəsində yazıb.
