HƏMAS: İsrailin “təhlükəsiz zona” ritorikası yalandır

HƏMAS, köçkün fələstinlilərə qarşı qırğınlar həyata keçirən İsrailin “təhlükəsiz zona” ritorikasının yalandan başqa bir şey olmadığını bəyan edib.

Sitat.info xəbər verir ki, Həmas tərəfindən yayımlanan açıqlamada: "Düşmən qüvvələrinin təhlükəsiz bölgə elan edilən yerlərə getmək üçün evlərini tərk edən mülki vətəndaşlara hücumları davam edir. Son olaraq, Əl-Maqazi Qaçqınlar Düşərgəsindəki qırğında əksəriyyəti uşaq və qadın olan 100 həlak olub", - qeyd edilib. 

Açıqlamada işğal qüvvələrinin təhlükəsiz bölgə danışığının yalandan başqa bir şey olmadığı vurğulanıb və İsrailin Qəzza zolağında bu günə qədər 1600 ayrı-ayrı qırğınlar törədən Maqazi Qaçqınlar Düşərgəsindəki son qırğınının bunu açıq şəkildə ortaya qoyduğu vurğulanıb.

Kənan

Sitat.info