ABŞ Suriyadakı hərbi bazalarını əlavə silah və texnika ilə gücləndirir

ABŞ ordusu son 3 gündə İraq ərazisi üzərindən Suriyada terror təşkilatı PKK-nın  işğalı altında olan Hasəkədəki baza və hərbi məntəqələrə 100-ə yaxın maşından ibarət hərbi və logistik gücləndirmə karvanları göndərib.

Sitat.info xarici mediaya istinadən xəbər verir ki, ABŞ qüvvələrinə aid əlavə maşınlar yanvarın 6 və 8-də İraq-Suriya sərhədindəki əl-Valid sərhəd keçid məntəqəsindən keçərək Hasəkəyə daxil olub.

Terror təşkilatı PKK-nın  işğal etdiyi Rumeylan, Şeddadi və Tel Beyder yaşayış məntəqələrində ABŞ qüvvələrinin baza və hərbi məntəqələrinə çatan 100-ə yaxın avtomobil karvanına zirehli hərbi maşınlar, yanacaq tankerləri və çoxlu sayda sursat daxildir.

Nərgiz,

Sitat.info