Körfəz ölkələri neft və qaz ixracının Hörmüz boğazından yan keçməsinə imkan verəcək yeni boru kəmərləri inşa etməyi düşünürlər.
Sitat.info xəbər verir ki, "Financial Times" qəzetinin mənbələrə istinadən verdiyi məlumata görə, həmin layihələr bahalı, siyasi cəhətdən mürəkkəb və illərlə çəkəcək.
Qeyd olunub ki, Səudiyyə Ərəbistanı neft hasilatının böyük hissəsini İranın nəzarətində olan sular vasitəsilə deyil, boru kəməri vasitəsilə ixrac etməyə imkan verəcək variantları araşdırır. Krallıq yeni boru kəmərlərinin tikintisini və ya Hörmüz boğazından yan keçən alternativ neft təchizatı marşrutu olan "Şərq-Qərb" Boru Kəmərinin tutumunu genişləndirməyi araşdırır.