Fevralın 8-də İsrail 183 fələstinli məhbusu azad edəcək

Fevralın 8-də Qəzza zolağında saxlanılan yeni girov qrupunun azadlığa buraxılması müqabilində 18-i ömürlük həbsə məhkum edilmiş 183 fələstinli məhbus İsrail həbsxanalarından azad ediləcək.

Sitat.info xəbər verir ki, bu açıqlama ilə Fələstinli Məhbuslar üzrə İnformasiya İdarəsi çıxış edib.

“Şənbə günü İsrail ilə razılaşmanın bir hissəsi olaraq ömürlük həbsə məhkum edilmiş 18 fələstinli, uzunmüddətli həbs cəzasına məhkum edilmiş 54 nəfər və oktyabrın 7-dən (2023) sonra saxlanılan 111 qəzzalı həbsdən azad ediləcək”, - idarənin “Telegram” kanalında yayımlanan bəyanatında deyilir.