Aİ ukraynalıların müvəqqəti müdafiəsininin müddətini uzadır
Avropa İttifaqı (Aİ) müharibədən qaçan ukraynalıların müvəqqəti müdafiəsini nəzərdə tutan Aİ-nin Müvəqqəti Müdafiə Direktivinin qüvvədə olma müddətini bir il uzadacaq.
Sitat.info xəbər verir ki, Aİ Komissiyasından verilən yazılı açıqlamada, Komissiyanın Aİ Şurasına ukraynalılar üçün müvəqqəti müdafiənin 4 mart 2024-cü ildən 3 mart 2025-ci ilə qədər uzadılmasını təklif etdiyi bildirilib.
Qeyd edək ki, Aİ daxilində Müvəqqəti Mühafizə Direktivindən faydalanan təxminən 4 milyon ukraynalı var.
Seymur Bənnayev
Sitat.info
