Rusiyada sərnişin təyyarə qəza enişi etdi – Video
Rusiyada Soçidən Omska uçan “Ural hava yolları” şirkətinə məxsus sərnişin təyyarəsi Novosibirsk vilayətində qəza enişi edib.
Sitat.info xəbər verir ki, bu barədə ölkənin Fövqəladə Hallar Nazirliyi məlumat verib.
Məlumata görə, təyyarədə 170 nəfər olub. Baş verən texniki nasazlıq səbəbindən pilotlar təyyarəni əkin sahəsinə endirməyə məcbur olublar.
Hadisə nəticəsində ölən olmayıb. Təyyarənin məcburi eniş etdiyi yerdə təcili yardım xidmətləri və xilasedicilər işləyir.
Hadisənin səbəbi araşdırılır.
