Kiyev Rusiyaya hücumu artırıb – tədbir görürük

Ukrayna əks-hücum əməliyyatının uğursuzluğu fonunda Rusiya ərazisində mülki hədəflərə terror hücumlarını gücləndirib.

Sitat.info xəbər verir ki, bunu Rusiyanın müdafiə naziri Sergey Şoyqu deyib.

O bildirib ki, bununla bağlı nazirlik infrastruktur obyektlərin dəniz və havadan hücumlardan qorunması üçün əlavə tədbirlər görüb:

“Mövcud vəziyyət nəzərə alınaraq, hava və dənizdən hücumlara qarşı mühafizənin artırılması üçün əlavə tədbirlər görülüb. Ukrayna hərbi obyektlərinə, o cümlədən bu terror aktlarını dəstəkləyənlərə hücumların intensivliyi bir neçə dəfə artırılıb. Kiyev Qərb sponsorlarının dəstəyi ilə Rusiyanın mülki infrastrukturuna hücumlar həyata keçirir”.

Qeyd edək ki, ötən həftə Moskva üç dəfə PUA hücumuna məruz qalıb.