Rusiya ilə Ukrayna arasında 189 məhbus dəyişdirilib

Rusiya ilə Ukrayna arasında son əsir mübadiləsində 189 əsgər evlərinə qayıdıb.

Sitat.info xəbər verir ki, Ukrayna Prezident Aparatının rəhbəri Andrey Yermak 95 ukraynalı əsgərin Rusiyadan çıxarıldığını açıqlayıb.

Yermak deyib: "95 insanımızı evlərinə qaytarırıq. Ukrayna prezidenti Volodimir Zelenskinin "hamını geri qaytarmaq" missiyasını yerinə yetirməyə çalışırıq".

Rusiya Müdafiə Nazirliyindən verilən açıqlamada: "Danışıqlar prosesi nəticəsində əsir düşən və ölüm təhlükəsi ilə üzləşən 94 rus əsgəri Kiyev rejiminin nəzarətində olan ərazidən geri gətirilib. Azadlığa buraxılanlara lazımi tibbi və psixoloji dəstək veriləcək", - deyə qeyd olunub.

Seymur Bənnayev

Sitat.info