Pakistanda qayıq batdı: 41 tələbə həyatını itirdi

Pakistanın Hayber Paxtunxva əyalətində qayığın bənddə batması nəticəsində həyatını itirən tələbələrin sayı 41-ə yüksəlib.

Sitat.info xəbər verir ki, Pakistanın Kohat bölgəsindəki Tanda bəndində qayığın batması nəticəsində başlayan axtarış-xilasetmə işlərində daha 11 nəfərin cəsədi tapılıb.

Rəsmilər həyatını itirən tələbələrin sayının 41-ə yüksəldiyini və ölənlərin əksəriyyətinin uşaqlar olduğunu açıqlayıb.

Suda itən 9 tələbənin axtarışları davam edir, onların sağ qalma şanslarının çox aşağı olduğu deyilir. Mədrəsə tələbələrinin Tanda bəndində əylənmək üçün getdikləri qayıq yanvarın 29-da həddindən artıq yüklənmə səbəbindən batıb.

Nərgiz,

Sitat.info