Peskovdan sonra Zaxarova da ona cavab verdi
“Rusiyanın Ermənistana İttifaq dövlətinə qoşulması və ölkənin öz ərazisindən Azərbaycana dəhliz verməsi üçün təzyiqlər etməsi barədə yayılan məlumatlar feykdir”.
“Qafqazinfo” “Sputnik Ermənistan”a istinadən xəbər verir ki, bunu Rusiya XİN-in rəsmi sözçüsü Mariya Zaxarova bu gün keçirilən həftəlik brifinqdə deyib.
“Əgər onlar belə bir açıqlama verirlərsə və konkret ölkəyə qarşı iddialar səsləndirirlərsə faktlar təqdim etməlidirlər”, - deyə Zaxarova qeyd edib.
Qeyd edək ki, Ermənistan Təhlükəsizlik Şurasının katibi Armen Qriqoryanın yerli mediaya verdiyi açıqlamasına görə, Rusiya Ermənistanın öz ərazisindən Azərbaycana dəhliz verməsi və ölkənin Rusiya-Belarus İttifaq Dövlətinə qoşulması üçün İrəvana təzyiq edir. Bunun ardınca, Rusiya Prezidentinin mətbuat katibi Dmitri Peskov Qriqoryanın bu açıqlamalarının təxribat xarakterli olduğunu qeyd edib.
