Aİ Belarus müxalifətinə 25 milyon avro ayırıb

Avropa Komissiyası (AK) Belarusda vətəndaş cəmiyyətinin inkişafı və onun demokratik istəklərini dəstəkləmək üçün 25 milyon avro ayrıldığını elan edib.

Bu barədə AK-nin mətbuat xidməti məlumat yayıb.

“Avropa Komissiyası “EU4Belarus” proqramına 25 milyon avro maliyyə ayrılmasını təsdiqləyib. Proqram vətəndaş cəmiyyətinə, gənclərə, tələbələrə, universitet müəllimlərinə dəstək məqsədi daşıyır”, - sənəddə deyilir.

Proqram Belarusun vətəndaş fəallarına 450 təqaüd verilməsini və 500 fəalın mübadilə yolu ilə Aİ-yə dəvət olunmasını təmin edəcək.//“Report”