Azərbaycandakı bu maliyyə assosiasiyaları fəaliyyətsiz qalıb

Azərbaycanda maliyyə sektoru ilə bağlı 7 assosiasiya olsa da, onların bəziləri aktiv fəaliyyət göstərmir.

 

Sitat.info xəbər verir ki,  "Yurd.Media"nın apardığı araşdırmaya görə, “Azərbaycan Kredit İttifaqları Assosiasiyası” və “Azərbaycan Lizinq Şirkətləri Assosiasiyası” İctimai Birlikləri yalnız kağız üzərində mövcuddur, onlar faktiki olaraq fəaliyyətdə deyil.

 

“Azərbaycan Banklar Assosiasiyası”, “Azərbaycan Mikromaliyyə Assosiasiyası”, “Azərbaycan Kapital Bazarları Assosiasiyası”, “Azərbaycan Sığortaçılar Assosiasiyası” və “Azərbaycan Fintex Assosiasiyası” İctimai Birlikləri isə aktiv fəaliyyəti, vaxttaşırı keçirdikləri tədbirlər və görüşlərlə diqqəti cəlb edirlər.

 

Ölkədə valyuta mübadiləsi xidməti göstərən şirkətlərin isə assosiasiyası hələ ki, yoxdur.