İsrail Qəzzada hərbi əməliyyatları bu halda dayandıra bilər - Şərtlər açıqlandı

Fələstinin “HƏMAS” hərəkatı anklavda saxlanılan girovları azad etsə, İsrail Qəzza zolağında əməliyyatı dayandıracaq.

Sitat.info xarici mediaya istinadən xəbər verir ki, bu barədə jurnalistlərə İsrailin BMT-dəki daimi nümayəndəsi Denni Danon məlumat verib.

“Bu bir möcüzə olacaq və mən inanıram ki, girovların azad edilməsi Qəzzada fəaliyyətimizə son qoyacaq. Əslində, HƏMAS girovları azad etsə, bu sabah səhər baş verə bilər, amma təəssüf ki, bunun həyata keçəcəyinə ümidli deyiləm”, - deyə o fikrini tamamlayıb.