Müşahidəçilər bildirirlər ki, seçicilərin aktivliyi... - MSK

Müşahidəçilər bildirirlər ki, seçicilərin aktivliyi görünməmiş səviyyədədir. Azərbaycan vətəndaşları çox böyük ruh yüksəkliyi ilə seçkilərdə iştirak edib.

Sitat.info xəbər verir ki, bunu Mərkəzi Seçki Komissiyasının (MSK) sədri Məzahir Pənahov media nümayəndələri üçün rəhbərlik etdiyi qurumun təşkil etdiyi mətbuat konfransında deyib.

M.Pənahov bildirib ki, hər hansı qüsurlar olubsa, Seçki Məcəlləsinin tələblərinə uyğun olaraq araşdırılacaq:

“MSK-ya daxil olan müraciətlər ətraflı araşdırılmalıdır. Ondan sonra isə öz fikrimizi ictimaiyyətə açıqlayacağıq”.