Çində zəlzələdə ölənlərin sayı 131-ə çatdı

Çinin şimal-qərbində baş verən 6,2 bal gücündə zəlzələdə ölənlərin sayı 131-ə, yaralıların sayı isə 980-ə yüksəlib.

Sitat.info xəbər verir ki, bazar ertəsi Çinin şimal-qərbindəki Qansu əyalətində yerli vaxtla saat 23.59 radələrində baş verən 6,2 bal gücündə zəlzələnin sayı artır. Çin dövlət mediasının məlumatına görə, Qansu əyalətində ölənlərin sayı 113-ə, yaralıların sayı isə 782-yə yüksəlib. Qonşu Çinxay əyalətində ölənlərin sayı 18-ə, yaralıların sayı 198-ə yüksəlib, 16 nəfər itkin düşüb.

Zəlzələnin baş verdiyi Qansuda 155 min evə ziyan dəyib. Evsizlər çadırlara yerləşdirilib, bölgəyə çoxlu yardım materialları göndərilib. Çin hökuməti iki əyalət üçün 100 milyon yuan (təxminən 14,1 milyon dollar) ayırıb.

Zəlzələnin dağıntılara səbəb olduğu və sıfır dərəcənin altında şaxtada dağlıq bölgələrdə axtarış-xilasetmə işləri davam edir.

Ölənlərin sayının daha da artacağı istisna edilmir. 

Məğrur,

Sitat.info