BƏƏ Qəzza zolağına 25 ton humanitar yardım göndərib
Birləşmiş Ərəb Əmirlikləri (BƏƏ) İsrailin intensiv hücumlarına məruz qalan Qəzza zolağına çatdırılmaq üçün 25 ton humanitar yardım göndərib.
Sitat.info xəbər verir ki, BƏƏ-nin rəsmi agentliyi WAM-ın xəbərində 25 ton ərzaq, tibbi və müxtəlif yardım materialları daşıyan təyyarənin BƏƏ-dən Misirin Ariş şəhərinə göndərildiyi bildirilib.
Bildirilib ki, yardım Birləşmiş Millətlər Təşkilatının (BMT) Ümumdünya Ərzaq Proqramının (ÜƏP) koordinasiyası ilə Rəfah Sərhəd Qapısı vasitəsilə Qəzza zolağına çatdırılacaq.
Seymur Bənnayev
Sitat.info
