Ukraynada Rusiyanın İran PUA-ları ilə hücumu zamanı azərbaycanlı həlak olub
Ukraynanın Kiyev vilayətində Rusiyanın İran kamikadze dronları ilə hücumu nəticəsində əslən Azərbaycanın Goranboy rayonundan olan könüllü hərbçi Əli Həsən oğlu Səfərov həlak olub.
Sitat.info "Report"un Şərqi Avropa bürosuna istinadən xəbər verir ki, bu haqda Poltova vilayəti Azərbaycanlıları Radasının sədri Füzuli Qəmbərov məlumat verib.
Onun sözlərinə görə, 1974-cü il təvəllüdlü azərbaycanlı üç gün əvvəl həlak olub.
O, Ukrayna vətəndaşı idi və yaşadığı Poltava vilayətində dəfn olunacaq.
