ŞƏT-in 25 trilyon dollarlıq iqtisadi gücü: Azərbaycan üçün hansı imkanlar açılır?

Bu sözləri Sitat.info-ya açıqlamasında deputat Vüqar Bayramov Prezident İlham  Əliyevin Şanxay Əməkdaşlıq Təşkilatının (ŞƏT) Zirvə toplantısında iştirak üçün Bişkekə səfərini dəyərləndirərkən deyib.  O bildirib ki, eyni zamanda, Azərbaycanın xarici ticarət dövriyyəsində ən böyük 4 tərəfdaşından üçü bu təşkilatda təmsil olunur: "Onlardan ikisi üzv, biri isə tərəfdaş dövlət kimi həmin qurumda yer alır. Bu da Azərbaycanın Şanxay Əməkdaşlıq Təşkilatına üzv ölkələrlə dərin ticarət və iqtisadi əlaqələrə malik olduğundan xəbər verir. Təbii ki, cənab Prezidentin zirvə görüşündə iştirak etməsi və müzakirə edilən məsələlər Azərbaycanın Şanxay Əməkdaşlıq Təşkilatına üzv olan bir sıra ölkələrlə iqtisadi əlaqələrini daha da gücləndirəcək. Nəzərə alaq ki, bu, təşkilatın 25 illiyinə həsr olunmuş tədbirdir, 17 dövlət rəhbərinin təşkilatın zirvə toplantısında iştirak edəcəyi gözlənilir. Bu baxımdan kifayət qədər böyük və nüfuzlu tədbirdir". V.Bayramov bu əməkdaşlığın ölkəmiz üçün iqtisadi faydalarından danışıb: "Görüşlər və müzakirələr Azərbaycanın Şanxay Əməkdaşlıq Təşkilatına üzv ölkələrlə münasibətlərinə birbaşa təsir göstərəcək, həm sərmayənin cəlb edilməsi, həm də ticarət dövriyyəsinin artırılması baxımından mühüm imkandır. Şübhəsiz ki, Şanxay Əməkdaşlıq Təşkilatı ilə tərəfdaşlıqla yanaşı, Azərbaycan Amerika Birləşmiş Ştatları daxil olmaqla Qərb ölkələri ilə də əməkdaşlığa üstünlük verir. Xüsusilə də Birləşmiş Ştatlarla tərəfdaşlığın güclənməsi müşahidə olunmaqdadır ki, bu da Azərbaycanın çoxvektorlu xarici siyasət yürütdüyünü göstərir.