FHN əməkdaşları 1 yaşlı körpəni xilas etdi
Fövqəladə Hallar Nazirliyinin "112" qaynar xəttinə Bakı şəhərinin Yasamal rayonunda 1 yaşlı körpənin əlinin plastik oyuncaqda sıxılıb qalması səbəbindən köməkliyin göstərilməsi üçün müraciət daxil olub.
Bu barədə Sitat.info-ya qurumun Mətbuat xidmətindən bildirilib.
Müraciətlə əlaqədar FHN-in Xüsusi Riskli Xilasetmə Xidmətinin xilasediciləri çağırış ünvanına cəlb olunub.
Xilasedicilər tərəfindən 2024-cü il təvəllüdlü körpənin sıxılı vəziyyətdə qalmış əlinin oyuncaqdan təhlükəsiz qaydada çıxarılması təmin edilib.
