Baydenin çıxışı dəfələrlə Fələstin etirazları ilə kəsildi
ABŞ prezidenti Co Baydenin qatıldığı seçki tədbirindəki çıxışı ardıcıl ikinci gün Fələstin tərəfdarı olan etirazçılar tərəfindən kəsilib.
Avtomobil istehsalçıları birliyinin tədbirində Baydenin çıxışı zamanı səslərini ucaldan etirazçılar Baydeni "Qəzzada atəşkəsə" çağırıblar.
Digər tərəfdən bir qrup etirazçı tədbirin keçirildiyi otelin qarşısına toplaşıb.
Etirazçılar Fələstin bayraqları qaldırıb, Qəzzada dərhal atəşkəs tələbi ilə bağlı şüarlar səsləndiriblər.
Baydenin ötən gün Virciniya ştatında iştirak etdiyi seçki toplantısındakı çıxışı Fələstin tərəfdarı nümayişçilər tərəfindən dəfələrlə “soyqırımı maliyyələşdirməyi dayandırın” şüarları səsləndirərək kəsilib.
Nərgiz,
Sitat.info
