Bakıda Macarıstan səfirliyinin maşını piyadanı vurub
Aprelin 8-i Bakıda piyadanın vurulması ilə nəticələnən yol-nəqliyyat hadisəsi baş verib.
“Qafqazinfo”nun “Modern.az”a istinadən verdiyi məlumata görə, 052 D 003 KİA markalı avtomobil yolu keçmək istəyən piyadanı vurub.
Hadisə Üzeyir Hacıbəyli küçəsi ilə Azadlıq prospektinin kəsişməsində qeydə alınıb.
Avtomobilin Macarıstan səfirliyinə məxsus olduğu bildirilib.
Bakı Şəhər Dövlət Yol Polis İdarəsinin baş inspektoru polis mayoru Araz Əsgərli sayta açıqlamasında hadisənin baş verməsini təsdiqləyib. O bildirib ki, xoşbəxtlikdən piyada yüngül xəsarət alıb.
