Daha bir Türkiyə klubu liqada çıxışını dayandırdı
Türkiyə 1-ci liqası təmsilçisi "Adanaspor" yarışda çıxışını dayandırıb.
Sitat.info klubun saytına istinadən xəbər verir ki, komanda Karamanmaraşda güclü zəlzələdən sonra bu addımı atıb. Bildirilib ki, 2022-2023 mövsümünün qalan matçlarını mövcud şərtlərə görə davam etdirə bilməyəcəklər.
Qeyd edək ki, "Adanaspor" 1-ci liqada 25 xalla 19 komanda arasında 12-ci pillədə qərarlaşmışdı.
Xatırladaq ki, bundan əvvəl 1-ci liqa klublarından "Yeni Malatyaspor" yarışda çıxışını dayandırdığını açıqlamışdı.
