Çində güclü zəlzələ
ABŞ Geoloji Xidməti (USGS) Çinin Sıçuan əyalətində 6,8 bal gücündə zəlzələnin baş verdiyini açıqlayıb.
Musavat.com xəbər verir ki, Çin Zəlzələ Şəbəkələri Mərkəzi bu gün yerli vaxtla saat 12:52-də ölkənin cənub-qərbindəki Qarze Tibet Muxtar Vilayətinin Ludinq rayonunda baş verən zəlzələnin maqnitudasının 6,8 bal olduğunu bildirib.
Çin Zəlzələ Şəbəkələri Mərkəzi ilk təsbitlərə görə zəlzələ nəticəsində 7 nəfərin həyatını itirdiyini bildirərək, zəlzələnin 16 kilometr dərinlikdə meydana gəldiyini və əyalətin bir çox şəhərində təkanların hiss edildiyini açıqlayıb.
