Bakıda və bölgələrdə yollarda yeni dələduzlar peyda olub. Onlar sürətli gedən avtomobillərə arxadan işıq siqnalları və səsli siqnallarla xəbərdarlıq edərək, sürətlə üzərində sürüb maşını saxlamasını xahiş edir.
Sürücülər avtomobili saxladıqda isə rayondan əsgər və ya xəstə yanına gəldiklərini, yanacaqlarının bitdiyini və geri dönmək üçün pullarının olmadığını deyib, saxladıqları şəxsdən 10-20 manat arası pul istəyirlər. Onlar gün ərzində yolda onlarla maşına bu cür yaxınlaşmağa cəhd edir və çox zaman da ani müdaxilə ilə qəza şəraiti yaradırlar.
Qeyd edək ki, Sitat.info saytının rəhbəri Məğrur Salmanov da oxşar halla iki dəfə üzləşib və bu hadisə zamanı qəza şəraiti yaranma təhlükəsi yaşayıb. O, bu barədə saytın Tiktok hesabında çıxış edib. Video 260 min şəxs tərəfindən izlənilib, 400-ə yaxın izləyici şərh yazaraq öxşar hadisə ilə üzləşdiklərini bildiriblər. Aidiyyatı qurumlardan məsələ ilə bağlı araşdırma aparıb, mövqe bildirmələrini gözləyirik.
Həmin videonu təqdim edirik.
Nigar,
Sitat.info
@sitat.info Bakıda sürücüləri sürətli yollarda çaşdırıb t@hlükəyə atan kimlərdir? ♬ orijinal səs - Sitat.info xəbər portalı