NATO hazırda İran ətrafında yaranmış vəziyyət və ABŞ lideri Donald Trampın təhdidləri fonunda ən dərin böhranlardan birini yaşayır.
Sitat.info xəbər verir ki, bu fikir İspaniyanın El Mundo qəzetində dərc olunan məqalədə səsləndirilib.
“Hazırda alyansın yaşadığı dərin böhrandan tam şəkildə çıxacağına inanmaq çətindir,” – deyə nəşr yazır. “Yaralar dərindir və getdikcə dərinləşir. Müxtəlif analitik mənbələr vəziyyətin son dərəcə ciddi olduğunu və açıq desək, əvvəlki böhranlarla müqayisədə daha ağır olduğunu bildirirlər.” Qəzet həmçinin ABŞ prezidentinin Qrenlandiya ilə bağlı təhdidlərini, İrandakı münaqişəni və NATO-nun baş katibi Mark Ruttenin Vaşinqtonun mövqeyini dəstəkləməsini xatırladır. Məqalədə qeyd olunur ki, “təhdid yenidən ekzistensial xarakter alır”.
ABŞ lideri daha əvvəl dəfələrlə Şimali Atlantika alyansındakı tərəfdaşlarını İran əleyhinə ABŞ-İsrail hərbi əməliyyatını dəstəkləmədiklərinə görə sərt tənqid edib. ABŞ dövlət katibi Marco Rubio isə çərşənbə axşamı Fox News telekanalına müsahibəsində bildirib ki, Vaşinqton İran əməliyyatı başa çatdıqdan sonra NATO-nun əhəmiyyətini yenidən nəzərdən keçirəcək.
Nigar,
Sitat.info