Ermənistanda aeroporta bomba qoyulması ilə bağlı xəbər yayılıb
Ermənistanın “Zvartnots” hava limanına bomba qoyulması ilə bağlı xəbər daxil olub.
APA “Sputnik Armenia”ya istinadən xəbər verir ki, bu barədə ölkənin Fövqəladə Hallar Nazirliyi açıqlama yayıb.
Hadisə yerinə xilasetmə və yanğınsöndürmə xidməti, psixoloqlar və kinoloqlar cəlb olunub.
Aeroportda hazırda mülki müdafiə qüvvələrinin minatəmizləmə qrupu fəaliyyət göstərir.
