Bu türk ölkəsində partlayış: ölü və yaralılar var
Özbəkistanın Əndican vilayətinin İzbaskan rayonundakı məsciddə partlayış baş verib.
Sitat.info xəbər verir ki, bu barədə Özbəkistan Fövqəladə Hallar Nazirliyi məlumat yayıb.
Məlumata görə, partlayış nəticəsində 3 nəfər ölüb, 10 nəfər isə yaralanıb. Yaralılar xəstəxanaya çatdırılıb.
Hadisə yerinə Özbəkistan Baş nazirinin müavini Açilbay Ramatov və fövqəladə hallar naziri Batir Kudratxacayev yollanıblar.
Hadisənin məsciddə qaz-hava qarışığının partlaması nəticəsində baş verdiyi bildirilir.
