Kömür mədənində partlayış: ölənlər var

İspaniyanın Asturiya bölgəsində yerləşən Deqana qəsəbəsində kömür mədənində partlayış baş verib.

Sitat.info xəbər verir ki, bu barədə Asturiya Muxtar İcmasının Təcili Yardım Qurumundan məlumat verib.

Partlayış nəticəsində ən azı 2 nəfər ölüb, 3 nəfər yaralanıb, 4 nəfər isə itkin düşüb.

Bildirilib ki, şaxtaçılar qrafit istehsalı üçün mineralların çıxarılması üzrə icazə əsasında iş aparırmışlar.

Hadisə yerinə çox sayda təcili yardım, yanğınsöndürmə və mülki yardım qrupları göndərilib.