Sistan və Bəluçistanda silahlı qarşıdurma oldu

İranın Sistan və Bəlucistan əyalətinin mərkəzi Zahidan şəhərindəki polis bölməsi ətrafında şiddətli silahlı qarşıdurma olub.

Sitat.info xəbər verir ki, bu barədə Bəluc Fəallarının Kampaniyası məlumat yayıb.

Məlumata görə, yanvarın 6-sı gecə saatlarında naməlum şəxslərlə hökumət qüvvələri arasında baş verən qarşıdurmada avtomat və iri çaplı silahlardan istifadə olunub.

Atışma təxminən 2 saat davam edib.

Silahlı qarşıdurma və nəticələri ilə bağlı rəsmi məlumat verilməyib.