Livanda İsrail hücumlarında ölənlərin sayı 3500-ə çatır...

İsrail ordusunun 8 oktyabr 2023-cü il tarixindən etibarən Livana həyata keçirdiyi hücumlarda həyatını itirənlərin sayı 59 nəfər artaraq 3 min 445-ə çatıb.

Sitat.info xəbər verir ki, Livan Səhiyyə Nazirliyindən verilən yazılı açıqlamada İsrailin davam edən hücumlarında ölənlərlə bağlı məlumat verilib.

İsrail ordusunun dünən Livanın bir çox bölgəsində həyata keçirdiyi hücumlarda 59 nəfərin öldüyü, 182 nəfərin yaralandığı qeyd edilib.

Açıqlamada, İsrailin 8 oktyabr 2023-cü ildən bəri Livana təşkil etdiyi hücumlarda həyatını itirənlərin sayının 889-u qadın və uşaq, 208-i tibb işçisi olmaqla 3 min 445-ə, yaralı sayının isə 14 min 599-a yüksəldiyi ifadə edilib. 

2023-cü il oktyabrın 8-dən Hizbullahla nəzarətli toqquşmaları davam etdirən İsrail ordusu sentyabrın 23-də Livanın cənub şəhərləri ilə yanaşı Bekaa və Baalbek bölgələrinə də intensiv hava hücumu həyata keçirib.

İsrail ordusu sentyabrın 30-da Livanın cənubunda Hizbullahın infrastrukturuna qarşı "məhdud və intensiv" qurudan hücumlara başladığını bildirib.

İsrailin bombardmanları nəticəsində Livanda 100 min insanın didərgin düşdüyü təxmin edilir.

Seymur,

Sitat.info