Azərbaycanda bayram namazı qılındı
Bakıda Ramazan münasibətilə bayram namazı qılınıb.
Sitat.info xəbər verir ki, namaz Qafqaz Müsəlmanları İdarəsi sədrinin birinci müavini müfti Salman Musayevin imamətliyi ilə Əjdərbəy məscidində qılınıb.
Bundan başqa, saat 09:00-da Ramazan ayının başa çatması münasibətilə Təzəpir məscidində də bayram namazı qılınıb.
Namaz Qafqaz Müsəlmanları İdarəsinin sədri Allahşükür Paşazadənin imamətliyi ilə qılınıb.
Xatırladaq ki, bu il Azərbaycanda Ramazan ayı martın 11-də başlayıb. Nazirlər Kabinetinin müvafiq qərarına əsasən, aprelin 10-u və 11-i Azərbaycanda Ramazan bayramı qeyd edilir.
