Taksometrlərə ehtiyac yoxdur – Nazir müavini
Taksilərdə hər hansı bir əlavə cihazın quraşdırılmasına ehtiyac yoxdur.
Sitat.info xəbər verir ki, bunu rəqəmsal inkişaf və nəqliyyat nazirinin müavini Rəhman Hümbətov Milli Məclisin bu gün keçirilən iclasında deyib.
O qeyd edib ki, taksilərdə həm taksometrdən, həm də proqram təminatından istifadə edilə bilər, hər hansı əlavə cihazın qurulmasına ehtiyac yoxdur:
“Qanun layihəsində taksometr anlayışı verilib. Bunun cihaz və proqram təminatı olması haqqında qeydlər var. Hazırda taksilərdə telefonla prosesin idarə olunduğunu gördüyümüz üçün yenidən taksometrin taksilərə qoşulmasına gərək görmürük”.
