Türkiyənin hava məkanı Ermənistan təyyarələri üçün BAĞLANDI

Ermənistanda Osmanlı siyasi və hərbi liderlərinin və Azərbaycan rəsmilərinin qətlinin səbəbkarlarına həsr olunmuş Nemesis abidəsinin açılışı ilə əlaqədar Türkiyənin hava məkanı erməni təyyarələri üçün bağlanıb.

Sitat.info-nun  məlumatına görə, Türkiyənin xarici işlər naziri Mövlud Çavuşoğlu abidədəki təxribata “Bunu qəbul etməyim mümkün deyil. Biz hava məkanımızı erməni təyyarələri üçün bağlamışıq” - deyərək sərt reaksiya verib.

Qeyd edək ki, aprelin 25-də Ermənistanın paytaxtı İrəvanda 1920-ci illərdə Osmanlı siyasi və hərbi liderlərinə və Azərbaycan siyasətçilərinə qarşı həyata keçirilən sui-qəsdlərdən ibarət “Nemesis” adlı əməliyyata həsr olunmuş abidənin açılışı olub./Manset.az