Tesla satışları artırmaq üçün qiymətləri endirdi

Elektrikli avtomobil istehsalçısı Tesla satışlarını artırmaq üçün ABŞ və Avropada qiymət endirimlərinə getdi.

Sitat.info xəbər verir ki, şirkətin saytındakı qiymət siyahılarına əsasən, Tesla Model 3 və Model Y avtomobillərinin qiymətlərində 20 faizə qədər endirim edib.

ABŞ-da qiymət endirimləri avtomobilin modelindən asılı olaraq 6 faizdən 20 faizə, Almaniyada isə 17 faizə çatıb. Teslanın qiymətləri Avstriya, İsveçrə və Fransada da endirilib.

Qeyd edək ki, Tesla səhmləri 4% ucuzlaşıb. Qiymətin aşağı salınması xəbərindən sonra Tesla-nın səhmləri 4 faizə yaxın dəyər itirib.

Ötən həftə Çində qiymətləri endirən Tesla, endirimdən əvvəl avtomobil alan müştərilərdən mənfi reaksiya alıb.

Səid İsaoğlu,

Sitat.info