Şarl Mişel Rusiyanın atəşkəs bəyannaməsini “saxta” adlandırdı

Avropa İttifaqı Rusiyanın pravoslavların Milad bayramı ilə əlaqədar Ukraynadakı müharibədə müvəqqəti atəşkəs elan etməsini "yalan və ikiüzlülük" kimi qiymətləndirib.

Sitat.info xarici mediaya istinadən xəbər verir ki, Avropa Şurasının sədri Şarl Mişel Rusiya prezidenti Vladimir Putinin Rusiya ordusuna atəşkəs əmri verməsilə bağlı sosial mediada açıqlama verib.

Kremli təcavüzkar, Ukrayna xalqını isə qurban kimi qiymətləndirən Mişel sülh və təhlükəsizliyin bərqərar edilməsi üçün yeganə variantın Rusiya qoşunlarının Ukraynadan çıxarılması olacağını bildirib. 

"Birtərəfli atəşkəs elanı qanunsuz və çirkin ilhaqlar və onu müşayiət edən referendumlar qədər saxta və ikiüzlüdür", - Mişel bildirib.

Xatırladaq ki, Putin Rusiya Müdafiə Nazirliyinə pravoslav Milad bayramı münasibətilə yanvarın 6-da saat 12:00-dan etibarən Ukraynada 36 saatlıq atəşkəs rejiminin tətbiqi barədə göstəriş vermişdi.

Seymur,

Sitat.info