Güləş üzrə dünya kuboku yarışının biletləri satışa çıxarıldı
Noyabrın 5-də Bakı İdman Sarayında start götürəcək yunan-Roma güləşi üzrə dünya kuboku yarışının biletləri satışa çıxarılıb.
Sitat.info Azərbaycan Güləş Federasiyasına istinadən xəbər verir ki, ilk dəfə paytaxtımızda keçiriləcək yarışın biletlərini onlayn qaydada “iticket.az” saytından əldə etmək mümkündür.
Yarışın ilk günü üçün biletlərin qiyməti 3, ikinci günü üçün isə 5 manat təşkil edir. Biletlər 3 sessiya üzrə satılacaq.
