Əliyar Ağayev yenidən Yunanıstan Super Liqasında
Azərbaycanın FİFA referisi Əliyar Ağayev növbəti dəfə Yunanıstanın Super Liqasının oyununa təyinat alıb.
Sitat.info Yunanıstan Super Liqasının saytına istinadən xəbər verir ki, o, ölkə çempionatının 33-cü turunda keçiriləcək PAOK - “Aris” matçını idarə edəcək.
Ona həmyerliləri Zeynal Zeynalov və Akif Əmirəli köməklik göstərəcək.
Qeyd edək ki, aprelin 30-da oynanılacaq qarşılaşma Bakı vaxtı ilə saat 21:00-da başlayacaq.
